← Féachann sé gur cuid de dhúchas an duine daonna iad seo cé go mbíonn drogall orainn a admháil go bhfuil na tréithe déistineacha seo lonnaithe inár n-anam féin. 🔊
← Deirim go bhfuil siad dúchasach don duine daonna mar go raibh cogaíocht ar siúl ó thús aimsire, treibh in aghaidh treibhe, coilíneach in aghaidh dúchasaigh, náisiún in aghaidh náisiúin, an domhan thoir in aghaidh an domhain thiar. 🔊
← Tharla sé seo ar fad toisc go raibh Putin ag iarraidh fear mór a dhéanamh de féin. 🔊
← Bhí sé ag iarraidh go gcuirfí a ainm i measc ceannairí móra na Rúise, go gcuirfeadh sé Aontas na Sóivéide mar fhórsa láidir míleata ar stáitse an domhain. 🔊
← Tá an baol ann go dtitfidh an tSín isteach mar chomhghuaillí leis an Rúis. 🔊
← Níl aon dabht faoi ach go bhfuil baol na cogaíochta níos measa anois ná riamh. 🔊
← Tá daoine a rá, nach bhfuil an baol céanna ann toisc go bhfuil cothromaíocht idir an chumhacht atá ag na fórsaí éagsúla domhanda. 🔊
← Ní bheadh aon cheannaire sásta dul sa seans le buama núicléach, dar leo, mar go bhfillfeadh an feall air nó uirthi féin láithreach bonn. 🔊
← Ar ndóigh, tá ciall áirithe leis an tuairim seo agus gach seans gurb é seo an chúis go bhfuilimid tar éis teacht slán go dtí seo. 🔊
← É sin ráite, ní thógfadh sé ach gealt amháin leis an gcumhacht chuí, nó botún amháin go deimhin, chun an saol a thabhairt go deireadh ré. 🔊